जीन्दगीको कहानीको यस्तो पर्दाफास भयो ।
सँधै यो मन ढुङ्गा रह्यो, थोरैमात्र कपास भयो ।
ठूलालाई चैन अनि सानालाई ऐन देखें,
समानता, न्याय मर्यो सँधै यस्तै बकवास भयो ।
बलात्कृत भइन् चेली, किनबेच भयो रोज यहाँ
कठै मेरो देश, सँधै पापीलाई स्याबास् भयो ।
मृत्यु बिक्यो बजारमा, देख्छु क्रेता जताततै
आत्माको मोल कौडीको भो, यस्तै केही आभाष भयो ।।
रुपैयाँको ऐना हेर्दा, घीनैलाग्दा नाता देख्यौ ?
यँहाको रीत यस्तै रैछ जनार्दनको जवाफ भयो ।।
No comments:
Post a Comment