साँझपख फूलबारीमा हाँस्छु भन्यो गुलाबले
खिलखिलाउदै मीठो प्रिति गाँस्छु भन्यो गुलाबले ।।१।।
हराभरा बाग माझ लहराउदै मुस्कुराउदै,
सुवासिंदै आफ्नो सुवास बाँड्छु भन्यो गुलाबले ।।२।।
झोंका सितल पवनको काउकुति लगाइदिने,
काउकुतिमै फुरूङ्ग भै नाच्छु भन्यो गुलाबले ।।३।।
नशालु छ चन्द्रमाको रोशनी त्यो आज किन,
हराएर नशा भित्र बाँच्छु भन्यो गुलाबले ।।४।।
लोभिएछ शान्तिप्रिय उनको त्यही माधुरीमा
जीवन सँगै काटौ भन्यो, 'आँट्छु' भन्यो गुलाबले ।।५।।
No comments:
Post a Comment