ठूला ठूला नाङ्लाभरी
के ल्यायौ हातमा
हेर्न जाँदा झुसिल्किरा
किम्बूका पातमा
किन ल्यायौ झुसिल्किरा
किम्बुका पातमा ?
छोयो भने नराम्ररी
झुस बिझ्छ हातमा
जुनी फेरी पुतली भई
उड्न थाल्छ झुसिले
रेसम किरा भएर
नाच्न थाल्छ खुशीले
किम्बुको पात खाँदै
झुसिल्किरा बढ्यो
हेर्दा हेर्दैं खोलभित्र
लुक्न पो थाल्यो ।
धागो कात्ने मान्छेहरु
कहाँबाट आए
झुसिलेलाई खोलभित्रै
तातो पानी खुवाए
फुलदेखि जुनी फेर्दै
झुसिल्किरा भयो
खोल भित्र बास बस्दा
उसको प्राण गयो ।।
No comments:
Post a Comment