गजलः कसम ! प्यारी साथै हुँदा रिक्सा मर्सिडिज बन्छ

संकल्प र धैर्यताले मात्रै सबै चिज बन्छ।
परागसेचन भए पछि फूल पनि बीज बन्छ ॥१॥

एकै नास कहाॅ होला जो कसैको परिस्थिति!!
साेल्युसन भयाे भने साबुन पनि फिंज बन्छ ॥२॥

कुमालेको चक्र जस्तै घुमिरन्छ भाग्य पनि,
परिश्रम पछि पुअर पक्कै एक दिन रीच बन्छ ॥३॥

फगत सोचमा सिमित रैछ सुख दुख भन्ने कुरा,
सुख सम्झे माई सरो कति चाडै हिज बन्छ ॥४॥

बरू एउटा सहयात्री भेट्यौ भने तिम्ले कतै,
कसम ! प्यारी साथै हुँदा रिक्सा मर्सिडिज बन्छ ॥५॥