गजलः हिसाब चाहिन्छ ।

यो थैली जनताको हो, हिसाब चाहिन्छ । 
के गर्यौ, कसो गर्यौ जवाफ चाहिन्छ ।

सुशासन भन्छौ, पारदर्शिता भन्छौ,
अन्याय भो सरकार ! निशाफ चाहिन्छ  ।

राम्रै गर्छौ, यहि सोची पठा’को हो तिम्लाई, 

सत्ता सम्हाल्नलाई पुरै होस हवास चाहिन्छ ।

सरकार ! किन आत्तिन्छौ जवाफ माग्दा, 

जनतासँग प्रस्तुत हुन मिजास चाहिन्छ । 

सत्तासँगै घुम्छ भन्छन् शक्ति तथा सम्पत्ति नि !

भोका जनार्दनलाई गाँस बास, कपास चाहिन्छ

रचना  मिति २०७५/११/०७ 

इलाम ।