धड्कन कसैले सुन्ला, सुस्तरी आऊ कान्छी
देखेर कस्तो ठान्ला, सुस्तरी आऊ कान्छी ।।
जुनी भरी तिम्रो निश्वास सुन्नलाई मञ्जुर छ,
सँगै जीवन बिताउला, सुस्तरी आऊ कान्छी ।।
आतुर छौ आफैलाई मभित्र नै लुकाउन ।
म बाहु फैलाइरहुला, सुस्तरी आऊ कान्छी ।।
थाहा छैन अधर तिम्रो मोहनी कि मधुपर्क,
त्यो अधर पान गरौला, सुस्तरी आऊ कान्छी ।।
दुनियाले जेजे सोचोस् केको मतलब छ र यहाँ
दुई मुटु एकै बनाउला, सुस्तरी आऊ कान्छी ।।
रचना मिति २०७५/१०/२२
No comments:
Post a Comment