मैले नबुझेकाे बोर्डिङ स्कूल

हिल्डा तावा र मन्टेशाेरीकाे नाम बेचेर,
टायलर र डिवेकाे नाम बेचेर
व्यापारिक केन्द्रकाे शैलीमा स्कूल खाेलेछाै
किनकी तिमीले राज्यले गर्न नसक्ने काम गर्नु छ,
साना नानीहरूलाइ बाल सुलभ शिक्षा दिएर ।

मैले,
तिमीले बच्चालाई यातना दिएकाे देखेकै छैन ।
तिमीले मन्टेशाेरीले भने जस्तै गरी खेलकाे विधिबाट मात्र
सिकाएकाे देखेकाे छु
रूसाेले भने  झैं प्रकृतिबाट सिक्ने अवसर  दिएकाे  देखेकाे छु

म अविभावक,
अझ तिम्राे भाषामा गार्जियन,
मेरा अाफ्ना कुरा पनि तिमी सुन्छाै,
ध्यान  दिएर ।
किनकी तिम्राे भन्दा मेराेसाथमा बच्चा धेरै समय रहन्छ ।
तिमी सुकीर्ति हाै,
तिमीमा कुनै विकृति  नै छैनन्
 तिम्राे सुधार गर्ने ठाँउ नै छैनन् ।
किनकि तिमीले टि क्यु एम पद्धति जानेका छाै,
त्याे त व्यवस्थापनमा प्रयाेग हुने, कहाँकाे स्कूलमा !
तैपिन तिमीले अविभावकसँग निरन्तर छलफल गर्छाै, सुधारका लागि
अझ अभिभावकलाई
अाफ्नाे कुरा मञ्चबाटै राख्न  दिएकाे देखेकाे छु मैले
तिम्राे वार्षिक उत्सबमा ।
नराम्राे  शिक्षककााे बारेमा कुनै टिप्पणी गर्दा-
चित्त नबुझे अर्कै स्कूलमा लैजानु भन्ने
तिम्राे अाेठे जवाफ मैले सुनेकै छैन ।

तिम्राे स्कूलका शिक्षकहरू -
बच्चालाई क्लास वर्क दिएर घाम पनि तापेका छैनन्
बच्चलाई गाली गर्दैनन् , यातना दिदैनन्
शिक्षण विधि - विद्यार्थी केन्द्रित छ,  अादर्श छ
सबै  शिक्षकहरू तालिम प्राप्त छन्
तिम्रा शिक्षकले बाेलेकाे
कति शुद्ध,
कति सभ्य,
कति  शिष्ट
कति प्रभावकारी  सिकाइ
कति उपलब्धी मूलक
मेट्रिककाे नतिजा हेरेरै थाहा हुन्छ
सब एक से एक , सब ए प्लस
अाहा !

बरू म मुर्ख अविभावक,
किनकी म मेराे नानीलाइ कुटी कुटी घाेकाउनु भन्छु,
हाेम वर्क जति सक्दाे धरै दिनु भन्छु ,
मेराे नानी जसरी नि फष्ट हाेस भन्ने चाहान्छु
बरू व्यवहारिक ज्ञानकाे मतलब गर्दिन
मलाइ ए प्लस भए पुग्छ ।
मेराे नानीलाइ देश सिकाउनु पर्दैन ,
मेराे नानीलाइ सँस्कार र सँस्कृति सिकाउनु पर्दैन
व्यवहार  सिकाउनु पर्दैन ।
उनीहरूलाइ अाइ इ ए एल्टी एस र टाेफेलमा पास हुन सिकाए हुन्छ

अफसाेस,
कसैले तिमीलाइ  बाेइलर कुखुरा उत्पादक भनेछ,
कस्ताे लज्जास्पद !!
तिमीलाइ राज्यले कर पाे मागेछ !
तिमी कम्पनि एेन अनुसार दर्ता भएका हाै र कर तिर्ने ?
समाज सेवा गर्ने तिमी
अाफ्नाे लगानी गरेर
नाफा रहित
तिमीले कमाएकाे मैले देखेकाे छैन
तिम्राे  सम्पत्ति त, पुर्ख्खयाेली पाे त !
बरू स्कूल चलाएकाले तिमी कति गरीब भयाे हाेला !!
त्यसकाे मुल्यांकन खै त ?