गजलः दीपावली गरें भन्याै, मनकाे बत्ती बाल्याै कि त ?
लक्ष्मीपूजा गर्दै गर्दा लाेभ लालच फाल्याै कि त?
द्रब्यार्जन मात्र हैन मनकाे पनि धनी बन्नू
धनकाे रास अघि राखी हाँसाे खुसी पाल्याै कि त ?
नमासिने नचाेरिने अरूलाइ नि काम लाग्ने
त्यस्ताे धन कमाउने एकै कदम चाल्याै कि त ?
जति भएनि धेरै दुखी देखिदैछन् हाम्रै अघि
धन उत्तम प्रयाेग गरी सारा दुख टाल्याै कि त ?
फगत साेच मात्र न हाे अमीर हाेस वा दरिद्रता
अंहकार मिलाइएकाे त्यस्ताे भ्रमलाइ ढाल्याै कि त ?
- रचना मिति २०७४/०७/०२ लक्ष्मीपूजा