गीतः यो धर्तीको छाति...
" जनार्दन
कट्टेल
यो धर्तीको छाति जब
चुम्छ जुनले
अझै मेरो प्रीति
भरिन्छ रहरले
बोलाउँछ खुसी जसै त्यो प्रहरमा
नशालु अधरले चुमेझैं तिमीले
यो धर्तीको छाति...
****
अँगाल्छ त्यो जुनलाई धरा
मातिएर
म हुन्छु भुतुक्कै
रहर पोखिएर
अँध्यारोमै भेटुँ
प्रकाशित ज्योति
उज्यालिई प्रीति
छरिएको हो कि ?
यो धर्तीको छाति ...
*****
जब सुन्छु झरझर
छहराको गीत
त्यही भाका टिपी
बोलूँ मायासित
कलेजी र मुटु बनाएर
आधा
अब आऊ बाँडौं हटाएर बाधा
यो धर्तीको छाति ...
*****
जब झुल्छ बेली बसन्ती
पवनमा
छचल्किन्छ मन्द नशा
यो बदनमा
समेटिऊँ आऊ ! अब
मायाभित्र,
यो मायाको संसार बनाऊँ
विचित्र !!
यो धर्तीको छाति ...
