गजलः दिनै भरी मैयासँग होलीमा क्या रमाइलो भो...

दिनै भरी मैयासँग होलीमा क्या रमाइलो भो ।

लोला अनि अबिर भर्ने सोलीमा क्या रमाइलो भो ।।

किन होला अन्त तिर ध्यानै मेरो जाँदै जान्न

कटाक्षले ताकी हान्ने गोलीमा क्या रमाइलो भो ।।

रंग दल्दा भयो स्पर्श, ठूलै झड्का लागि हाल्यो,

टाकुरा बीचमा बग्ने खोलीमा क्या रमाइलो भो ।।

लक्ष्य आँफै बुझे राम्रो, होली त यो बहाना हो,

मीठो प्रीति भरिएको झोलीमा क्या रमाइलो भो ।।

भिजे पछि अलिअलि पारदर्शी बनिहाल्छ,

निथ्रुक्क भै भिजेको त्यो चोलीमा क्या रमाइलो भो ।।

गजलः पुछें ऐना धुलो देखी...

 मुहारमा कालो थियो, पुछें ऐना धुलो देखी 

अरु सबै झिना झाँक्रा आफू मात्र ठूलो देखी 

माछा देख्दा दुला भित्रै हात हाल्न उद्धत थिएँ,

झट्ट हात बाहिर झिकें, सर्प भाको दुलो देखी ।।

दान, पुण्य, मानबता, धर्म कैल्यै सोचिएन,

मज्जा मानें दुनियाँको चिसिएको चुल्हो देखी ।।

कुन हो राम्रो, नराम्रो कुन केको मतलब थियो र खै ?

कुकर्मकै आड भित्र सम्पत्तिको कुलो देखी ।।

सुन्दरी र मदिराको नशा भित्र बित्यो जीवन,

मनका सच्चा रुपसीको आँखा भित्र फुलो देखी ।।

२०७४ । ११ । ११
pc: www.goalcast.com