गजलःअझै कत्ति तड्पाउॅछौ .....

अझै कत्ति तड्पाउछौ टाढा भागेर सानी?
दीलको दैलो खोली आऊ मेरी मनकी रानी ।

उसै त म घायल छु तिम्रो ईशारा ले
नजरको तीर हान्ने कस्तो तिम्रो बानी ।

भरी आकास घना बादल केश फिंजाउंदा
झिम्क्याउंदा परेलीलाई पार्छ्यौ कि त पानी ।

सोह्रसृंगार किन चाहियो अब तिमीलाई?
आफू राम्री अझ राम्रो तिम्रो त्यो जवानी ।।

सुम्पीहाल आफूलाई माया गर्छ जसले ।
नत्र अरु कसेले नै गर्ला मनाेमानी ।।

गजलः हरिया ती चौर अनि नागवेली पाखाहरू ...

हरिया ती चौर अनि नागवेली पाखाहरू
सेता हिमाल अघि सॅधैं टोलाउछन आॅखाहरू ।

तिनै दृष्य भित्र कतै हामी दुबै हरायौ कि,
संझनामा आइरन्छन ईन्द्रेनीका काखहरू ।

पुगेनौ र कहाॅ हामी तराईका मैदानमा ?
मनै तृप्त बनाउने सुनका ती फाॅटहरू ।

भरिपूर्ण यौवन थियो प्रकृति झैं हाम्रो पनि ।
फूलै फूलको तरेलीमा मायाप्रीतका खातहरू ।

रोम रोम झंकृत हुने कस्तो थियो मादकता ,
झरनामा संगै रुझ्दै फेरिएका सासहरू ।

गजलः नहान सँधै नजरकाे गाेली

मुस्कानसाथ माेहनी घोली
नहान सँधै नजरकाे गाेली ।। १


 बरू ......

• 
  

छातीमा तिम्राे मायाले बेह्री
सुनुला कैले मधुर बाेली ? २

याे सारा जुनी हजुरलाइ  भयाे
आऊ न प्यारा हृदय खोली ।।३

भिखारी भाछु हजुरकाे म त,
मायाले भरी देउन  झाेली ।।४

बारात आउने कहिले हो भन्दै,
भाँच्दैछु औंला सम्झिई डाेली ५

बाेलाउदै चारै तुनाले मेराे
स्वागत गर्छ फूलबुट्टे चाेली ।।६।।