दुबै
प्रितिको फूल सुगन्धी, मायालुको मन बसन्ती
बनाऊँ बन्धन कसिलो , मायाको तिर्खा रसिलो
सम्झी ... ... ... ... ... मायाको तिर्खा रसिलो ।।
प्रेमी
चुल्ठोमा गुराँस सजाई, सितारा भित्रै लजाई
बस है प्यारी पर्खेर, आउनेछु नगरी अबेर ।
तिमीलाई ... ... ... ... ... मै लिन आउनेछु सबेर ।
प्रियतमा
यो लाली जोबन हो मेरो, जान्छ कि यसै पर्खेर ?
गाह्रो हुनेछ पर्खन, हुन्छ कि ढिलो फर्कन ??
तिमीलाई ... ... ... ... नगर्नू ढिलो फर्कन??
प्रेमी
गुलाबी ओठ सजाई, धैर्यको मेहेन्दी लगाई
मायालुको मन बुझिदेऊ , केहि दिन थोरै पर्खेर
तिमीलाई ... ... ... ... लैजान्छु मायाले बेह्रेर ।
प्रियतमा
उकाली ज्यानको चौतारी, मिलेको यस्तो दौतरी
कसैले आँखा लाइदेला, पाकेको बाली खाइदेला
लौन ... ... ... ... सम्झेर झट्टै आइहाल्नू
राजा ... .... बुझेर झट्टै आइहाल्नू ।।
दुबै
प्रितिको फूल सुगन्धी, मायालुको मन बसन्ती
बनाऊँ बन्धन कसिलो, मायाको तिर्खा रसिलो
सम्झी ... ... ... ... ... मायाको तिर्खा रसिलो ।।