शान्तिप्रियका सिर्जनाः साथमा उपयाेगी अध्ययन सामग्रीहरू
१
दुश्मनलाई कसरी हो यार बनाउने ?
उज्यालो र फराकिलो संसार बनाउने ??
२
चाँदनीको मुहारमा कालो दाग किन देख्नु ?
चाँदनी झैं शीतल अब घरबार बनाउने ??
३
देखेपछि सपना त पुरा गर्नु पर्छ पर्छ,
सच्चा बाटो कुन हो स्वप्न साकार बनाउने ?
४
बढारिए राणा अनि, राजाहरु कति यहाँ
लर्को देख्छु गाउँ पिच्छे दरबार बनाउने !!!
५
भुतुक्क नै पारिहाल्यौ मुस्काँनैले कान्छी
गुलाबको ओठ किन तरबार बनाउने ??
आफ्नै माया सस्तो भयो के गर्नु साराका कुरा
को हो आफ्नो पराया को कहाँ प्याराका कुरा
भनिएका मीठा मीठा बातहरु कहाँ गए
राजनीति थिए कि त थिए ती नाराका कुरा
तिमी आँफै झिलमिलाउथ्यौ मेरो आँखा वरिपरी
दिपावली किन गर्नु ? किन जुनताराका कुरा ??
मनको धनी भए हुन्थ्यो, किन धन चाहियो र ?
सुनेकै हो देश हाँक्ने त्यो सर्वहाराका कुरा ।
शान्ति खोज्न जाँउ भन्छ सँधै सँधै शान्तप्रिय ,
चिनौं आफ्नो मातृभूमि गरौं धराका कुरा ।।
२०७७/१२/१२
फूलको बैंश थियो अझै पनि मीठो त्यो याद पच्छ्याउँछ ।
भुन भुन गर्दथ्यो प्रीतले भ्रमरले उन्माद पच्छ्याउँछ ॥१॥
हुन्थ्यो राजसी ठाँटमा जब कतै औसर मिलेछ भने
उसको बेसुरको बजाना उसकै आलाप पच्छ्याउँछ ॥२॥
डढ्यो देह अझै कुनै तरहले तै बाँच्छ कि भन्दछु
जीन्दगी भरको सुख- जलपले तनाब पच्छ्याउँछ ॥३॥
भन्थ्यो गदर्छु हैकम गजबले खै के भयो यो बेला
खुस्क्यो तिम्रो नवाबी चै अब कुनै नवाब पच्छ्याउँछ ? ॥४॥
सारा बैरी बनाइयो समयमा सामर्थ्यले रङ्गिदा
आफ्नै अर्थी अब उठाउन हरे ! सन्त्रास पच्छ्याउँछ ॥५॥
रचना मिति २०७७/१०/०७
इटहरी ।
साँझपख फूलबारीमा हाँस्छु भन्यो गुलाबले
खिलखिलाउदै मीठो प्रिति गाँस्छु भन्यो गुलाबले ।।१।।
हराभरा बाग माझ लहराउदै मुस्कुराउदै,
सुवासिंदै आफ्नो सुवास बाँड्छु भन्यो गुलाबले ।।२।।
झोंका सितल पवनको काउकुति लगाइदिने,
काउकुतिमै फुरूङ्ग भै नाच्छु भन्यो गुलाबले ।।३।।
नशालु छ चन्द्रमाको रोशनी त्यो आज किन,
हराएर नशा भित्र बाँच्छु भन्यो गुलाबले ।।४।।
लोभिएछ शान्तिप्रिय उनको त्यही माधुरीमा
जीवन सँगै काटौ भन्यो, 'आँट्छु' भन्यो गुलाबले ।।५।।
सबै कुरा आफ्नो आफ्नो भाग हुँदो रैछ ।।१।।
बाचा कसम जले पछि डढेलो भो देह,
पिरतीमा जली जीवन खाग हुँदो रैछ ।।२।।
संगीतको मल्हमले भर्छ मन भन्थे कोही
त्यही संगीत मृत्यू गीत राग हुँदो रैछ ।। ३।।
बियोगमा छटपटिदा बसन्तको हरियाली
शिशिरको उजाडिदो बाग हुँदो रैछ ।।४।।
दुर्भाग्यको रास आफ्नो भाग परे पछि
कोइली पनि कुन्नी किन काग हुँदो रैछ ।।५।।
(पुरानो गजल)
जीन्दगीको कहानीको यस्तो पर्दाफास भयो ।
सँधै यो मन ढुङ्गा रह्यो, थोरैमात्र कपास भयो ।
ठूलालाई चैन अनि सानालाई ऐन देखें,
समानता, न्याय मर्यो सँधै यस्तै बकवास भयो ।
बलात्कृत भइन् चेली, किनबेच भयो रोज यहाँ
कठै मेरो देश, सँधै पापीलाई स्याबास् भयो ।
मृत्यु बिक्यो बजारमा, देख्छु क्रेता जताततै
आत्माको मोल कौडीको भो, यस्तै केही आभाष भयो ।।
रुपैयाँको ऐना हेर्दा, घीनैलाग्दा नाता देख्यौ ?
यँहाको रीत यस्तै रैछ जनार्दनको जवाफ भयो ।।
यो थैली जनताको हो, हिसाब चाहिन्छ । 
धड्कन कसैले सुन्ला, सुस्तरी आऊ कान्छी 
