यो वर्षा र झरी साथै, बादल छ
आकाशमा ।
साँच्चै के छैन र ! कस्तो मालामाल
छ आकाशमा ।।
अमृत वर्षा भए मात्र, जीवन धन्य यो बन्दछ
बादलु भित्रको घैला, छ्यालब्याल छ आकाशमा ।।
निस्कनु पर्छ लौ चाँडै, सारा भोक मेटाउन
सबको पेटको रित्तो, सवाल् छ आकाशमा ।।
खेत खेत गराबाट, गुञ्जिदैछ मीठो धुन
डमरु र मृदङ्गको, सुरताल छ आकाशमा ।।
जाँऔं हिंड खुसी खोज्न, किसानको
मुहारमा
उल्लासमय भयो यस्तो, हालचाल छ आकाशमा ।।
No comments:
Post a Comment