गजलः ......होनहार बाँचेकोछ

मेरो देशमा कोही होनहार बाँचेकोछ ।

त्यसैले त मूलुक सदाबहार बाँचेकोछ ।।

कयौ सम्राज्यले फडा उठाइरहे पनि
मरेन मातृभूमी लगातार बाँचेकोछ ।।

नेताको त खासै भर लाग्दैन मलाई
खैर छाडौ, जनताको खबरदार बाँचेकोछ ।।

विश्वब्यापी छ मेरो देशको राष्ट्रियता
यो स्वाभिमान सीमा वारपार बाँचेकोछ ।।

कंहि छन्‌कि जन्मभूमीलाई ठेस पुर्याउनेहरु
साबधान !! अझै कोही लम्पसार बाँचेकोछ ।।

अतिरिक्त शेर,

बिगतमा कयौ‌ याम शिशिर रहेपनि,
त्याे गुलाबी बागको यादगार बाँचेकोछ ।।

रचना मितिः 2077/02/11