उनको न्यानो अंगालोमा निदाउन पाए हुन्थ्यो ।
मायालाई छोप्ने प्वाख फिजाउँन पाए हुन्थ्यो ।।
जीन्दगीमा जित्नु के छ, किन धेरै दौडधुप ?
ठूलो जीत प्रेम नै हो बुझाउन पाए हुन्थ्यो ।।
एक प्याला प्रीतलाई टेबलमा टक्क राखी,
आधा आफै बाँकी उनलाइ पिलाउन पाए हुन्थ्यो ।।
एकनास माया गर्दा झर्काे लाग्ला तिमीलाई !
पियारको भाका फेरी रिझाउन पाए हुन्थ्यो ।।
जनार्दनलाई दिन्छौ कि त बास बस्न मुटुभित्र !
कस्तो होला दिल तिम्रो चिहाउन पाए हुन्थ्यो ।
No comments:
Post a Comment