यसरी म आफ्नै मलामी हुँदैछु,
मरेको चेतलाई सलामी दिदैछु ।
म देख्दिन केही सत्कर्म यौटा
म भेट्दिन कोही उपकारी द्यौता
दुरात्माको माझ बिलाएछु आज
जली आफू आफ्नै खरानी लिदैछु
मरेको चेतलाई सलामी दिदैछु ।
मेरो अस्तित्व छैन, न त भेट्छु देश
किन भुल्न सक्थें र आफ्नैको
ठेस ।
यो अहम् बिच यौटा म शुन्यता
भेट्छु
बुढ्यौली लिई म जवानी दिदैछु
।
मरेको चेतलाई सलामी दिदैछु ।
म सुन्दा नराम्रो केही सक्दिन
भन्न
मृदु शब्द भित्र कँही सक्दिन
रम्न ।
कहाँ छ विवेक ? कता भाग्यो
ज्ञान
यो राष्ट्रको लागि हरामी हुदैछु ।
मरेको चेतलाई सलामी दिदैछु ।।
No comments:
Post a Comment