गजलःसपनीमा मात्र होइन विपनीमा आउनु तिमी ।

सपनीमा मात्र होइन विपनीमा आउनु तिमी ।
पिरतीको आँगनीमा जुनेली भै छाउनू तिमी ।।

स्वर्गबाट झर्यो तिमी मैरै निम्ति जस्तो लाग्छ ।
कोइली जस्तै मीठो गरी मेरै गीत गाउनू तिमी ।।

तिम्रो लागि बाटो भरी फूलै फूल सजाकोछु ।
माया गर्ने मान्छे भेट्न कैले काँही आउनू तिमी ।।

डर धक मान्नु हुन्न पिरतीको खेल खेल्दा ।
लुकी –लुकी मात्र हैन खुलेआम आउनु तिमी ।।

पिरतीकाे इतिहासमा हामी नयाँ लैला मजनु ।
हुनसक्छ यात्रा गाह्रो सफर गर्न आउनू तिमी ।।
 (पूरानाे रचना)