गजलः नमातिने नशा कुन छ, तिमी र म सँगै हुँदा

सँधै यस्तै बेला हुन्छ, तिमी र म सँगै हुँदा ।
बेहोशीले थोरै छुन्छ, तिमी र म सँगै हुँदा  ।।


अलि अलि मेरो नशा तिमी उस्तै मदमत्त,
अरु सवाल् कसले सुन्छ, तिमी र म सँगै हुँदा ?


अन्त धाउने कहाँ होर,तिम्राे निमन्त्रणा छदै,
नमातिने नशा कुन छ, तिमी र म सँगै हुँदा ।।

आफ्ना पराई सबका हुन्छन्, के को यति ठूलो चिन्ता ?
खै को हाँस्छ, खै को रुन्छ, तिमी र म सँगै हुँदा ।

पिउनलाई नि अलिकति केमेष्ट्री त मिल्नै पर्यो
मनले अरु कसलाई चुन्छ, तिमी र सँगै हुँदा ?