जनार्दन कट्टेलका सिर्जनाः साथमा उपयाेगी अध्ययन सामग्रीहरू
सत्रु भन्दा खतरनाक यहाँ मित्र हुन्छ
याद गर्नुस सबै चिज तपाई भित्र हुन्छ।
सत्रु त तपाईंको कुरा काट्न थालिहाल्छ
हेर्नुस् त उसकै कुरामा आफ्नो चित्र हुन्छ।
युट्युब फेसबुक जाँच गरौं कि एकपटक
ट्रेन्डिङ भिडियो नै तपाईंको चरित्र हुन्छ।
लाखौं दानमा गर्ने खर्च सबै ढोंग हो कि?
दृष्टिकोण बिचारौं मानसिकता दरिद्र हुन्छ।
आफ्नो पाप पखाल्न मन्दिर जानै पर्दैन
सत्य मात्र बोल्नुस्, मधुशाला पबित्र हुन्छ।।
के साच्चै तिमीले ममा चन्द्र देख्यौ ?
कति हो त्यो चौध कि त पन्ध्र देख्यौ??
कलिलो यो बैस
सुकुमारी बान्की
सप्तक भित्र तार कतै मन्द्र देख्यौ
थिएनन् यी बिम्ब चिरस्थाई तिम्रा
त्यही चाँदनीमा अनि दाग देख्यौ
भए बिक्री तिम्रा कसम केमा कुन्नी
गरी पूर्ण स्वार्थ के अभाव देख्यौ
थियो गर्म बैस, थियो
काम तिम्रो
सकिएर काम बदनाम देख्यौ ।
म मानू कसरी बदलाव तिम्रो
मेरो प्यारो राम, छलछाम
देख्यौ ।।
के साँच्चै तिमीले ममा चन्द्र देख्यौ?
कति हो त्यो चौध कि त पन्ध्र देख्यो??
लाली गुराँस भयो माया भयो सुनाखरी
ढकमक्क हृदयमा फुल्यो थरी थरी
धड्कदैछ मुटु आज भँवराको तालमा
छल्किदैछ परेलीमा यो मायाको छालमा
वाग वेली भयो माया भयो जाई जुही
बगैचामा आइदेउ सम्हालिदेउ कोही
लालीगुराँस भयो माया….
मुस्कुराउँछ ओठ भरी यो बैसालु जोवन
बैसको यो फूलबारीमा रम्छ त्यसै यो मन
कोइलीको गीतभरी तिम्रै नाम सुनिरहूँ
गुलाबी यी ओठ भरी उनकै नाम गाइरहूँ
गुलाबको थुङ्गा भयो मेरो माया मलाई
सिउरिदिने कोही आऊ चुल्ठो भरी सजाइ
लालीगुराँस भयो माया…
