गजलः बैगुनीको जात रैछौ, गुन दिएनौ ।

बैगुनीको जात रैछौ, गुन दिएनौ ।
मलाई तिम्रो आफ्नो मान्छे हुन दिएनौ ।।1।।


कस्तो होला मन भित्रको माया नपाउँदा,
किन फेरि धक फुकाई रून दिएनौ ? 2।।


सिंहमरमर बदनमा लाग्ने हो कि दाग !
गोरी तिम्रो सुन्दर रूप 'जुन' दिएनौ ।।3।।

दिवाना म! हेरिरहें, बृहन्नला* बनी,
फक्रिएको गुलाबलाई छुन दिएनौ ।।4।।

खोजेदेखी चाँदी भने जति पनि मिल्ला
'जनार्दन'लाई अकबरी सुन दिएनौ ।।5।।

*अर्जुनकाे गुप्तबास बस्दा बृहन्नला छद्मनामयुक्त नपुंषक (तेस्राे लिंगी) भेष थियाे ।(पुरानाे रचना हराएकाेले संझनाकाे अाधारमा पुनर्लेखन गरिएकाे ।