कसले भन्यो पैसा फल्ने रुख छ रे खाडीमा ?
बरू खेतमै सुन फल्थ्याे बदलियो झाडीमा ।।
सँगै बसी आँटो पिठो खाउला भन्ने सपना थियो
दुलही बनी सजिई आउँदा – बनारसी साडीमा ।।
तिमी गयौ खुसी छोडी, सुख खोज्न परदेशमा
यता आफ्नो सपना बग्यो गैरी खेत झैं बाढीमा ।।
आऊ प्यारा ! फर्की आऊ, सम्झी आफ्नो मातृभूमि !!
युवा शक्ति बिना देश, लिलाम हुन्छ कबाडीमा ।।
तिम्रो तागत धेरै खच्र्यौ मरुभूमि सिंगार्नलाई
आफ्नै देशमा पौरख गरौं बल छदैं नाडीमा ।।
२०७४/०७/२१
No comments:
Post a Comment