गजलः सोह्रसृङ्गार गराैं अब कसको लागि ?

मन लगाई सोह्रसृङ्गार गराैं अब कसको लागि ?

हृदयमा स्वागत घडा भराैं अब कसको लागि ??

प्यारो मान्छे भेट्न भन्दै गैरी खेत झर्थें सधैं ,

याद साँची गोधुलीमा झरूँ अब कसको लागि ??

साँच्चै तिमी आँउदैनाै– थाहा पाइसके पछि,

बाटोभरी फूलै फूल छरौं अब कसको लागि ??

तिमीबिना फूल पनि मुर्झाएरै बस्ने गर्छ,

मुस्कुराउँनु सुन्दर फूलहरू अब कसको लागि ??

सँगै जिउने सँगै मर्ने बाचा पनि गरेकै हो,

बाचा सम्झी जिउँदैमा मरूँ अब कसको लागि ??

२०७४/०९/२७