मनभित्रै सुखको मुहान खोजे,
झलमल्ल मनको उज्यालो रोजे,
भेटिनेछ आफूलाई नै स्वर्ग भित्र,
उदाउँछ सूर्य मनमै विचित्र
मैलो थियो मनभरी दोष देख्छौ,
नियतै खराबी छ र खोट भेट्छौ,
लगाउ लगाम बाँध त्यो मनलाई,
स्वार्थ, अहंकार र कालो धनलाई ।।
देख्नेछौ तिमिले कति सफा चित्र
सुख भेट्छौ आहा ! मनमा विचित्र ।।
मनभित्रै सुखको मुहान खोजे
झलमल्ल मनको उज्यालो रोजे ।
शषीमा दाग देख्ने पनि तिमी हौ
औंशीमा उज्यालो भेट्ने नि तिमी हौ ।
सफा छ या कल्मष हृदय निहार
हृदयको ऐनामा छ दृष्टि बिचार
जवाफ मिल्नेछ त्यही मनलाई सोधे
झलमल हुनेछ मन उज्यालो रोजे ।
मन भित्र सुखको मुहान खोझे
झलमल्ल मनको उज्यालो रोजे ।।
No comments:
Post a Comment