बिछट्टै राम्री देखें तिमीलाई ।
आयौ कि प्यारी दुधले नुहाई ??
भएँ म लट्ठै भन कैलेदेखि ?
जादु चलायौ हेर जैलेदेखि ।
बोलाउछ्यौ कि सुशेलीले गाई ?
आयौ कि प्यारी दुधले नुहाई ??
आँखाको भाखा परेलीको झिमझिम,
अझै रुझायौ पोखिएर सिमसिम ।
कटाक्ष गर्छौ सँगमै बोलाई,
आयौ कि प्यारी दुधले नुहाई ??
सृष्टिको प्यारो मीठो यौबनै हो ।
पग्लिई बग्ने हिउँ भो मनै यो ।
थुन्नु कसोरी मुहानैमा धाई ?
आयौ कि प्यारी दुधले नुहाई ??
देख्दा रसिलो अधरैको लाली,
बसाउँ हरदम मनमा अँगाली ।
कि चुमी दिउँ? भई होशियार
दुधले नुहाएको तिम्रो मुहार ??
No comments:
Post a Comment