जोगी हिड्यो उज्यालो खोज्नलाई ......
झिसमिसेमा मा अलख जगाउँदै .......
स्थायीः
बोलाउदैछ बिहानीले, रात ढल्दैछ हेर ।
संसारको अँध्यारोको आँत सुक्दै छ हेर
हाहाकार दुनियाँमा फैलिएछ जताततै !!!
विश्व शान्ति अलापेर शंख फुक्दैछ हेर ।।
अन्तरा १
डढ्यो डढ्यो सगर हेर क्षितिजको माथि माथि
बतासले एउटा आशा सुशेले झैं लाग्छ साथी
अझैसम्म हेरिरहेछ झर्ला तारा कँहिकतै
उज्यालोको सुगन्धलाई पर्खिएर राति राति ।।
धरतीप्रति प्रीति गाँसी सुन्दर सृष्टि बचाउन !!!
एउटा दिलाशामा यात्री आँफै जुट्दैछ हेर ।।
बोलाउदैछ बिहानीले ....
संसारको ....
अन्तरा २
चिरविरी गाँइदेला चरी शुभ बिहानीमा
उमङ्गले पोखिएला खुसीयाली सिरानीमा
यस्तो अमूल्य आशामा हिड्दैछ एक्लो यात्री
पर्खिरहेछ ऊ साथी एक्लै एक्लै बिरानीमा
जितिएला कतै विघ्न ? भरोसा छ कहिकतै
सपाना पछिको आशा फेरि उठ्दैछ हेर ।
बोलाउदैछ ....
संसारको ....
No comments:
Post a Comment