गजलःगणतन्त्र ल्याँउछु भन्यौ, बदलेर भेष

गणतन्त्र ल्याँउछु भन्यौ, बदलेर भेष
चारै तिर सल्काएर ताप्न थाल्यौ देश ।।१।।

छद्मभेषी नेता पायो मेरो देशले किन ?
जनतालाई घोडा बनाइ दौडाउछन् रेश ।।२।।

बिचल्ली छ जनताको तिमी भने सधैं मस्त,
तिम्रो फो’री खेलका मारे मूलुक होला शेष ।।३।।

अग्रगामी मुद्धाहरु एक तिर फ्याँकी,
सत्ता सत्ता भन्दै कति देशलाई लाउछौ ठेस ? ४।।

बुझ्नु पर्छ , राष्ट्र के हो ? के हो यसको लक्ष ?
केले बढ्छ स्वाभिमान, केले  डुब्छ देश ? ५।।

व्यक्ति भन्दा माथि उठ, दल भन्दा अझ माथि
किन बुद्धि पलाउदैन फुलिसक्दा केश ? ६।।